ആസ്പയര് സ്കോളര്ഷിപ്പിന് അപേക്ഷിക്കാം
പ്രധാനപ്പെട്ട നിർദ്ദേശങ്ങൾ
1. ഓരോ കോളേജിലും യൂണിവേഴ്സിറ്റി ഡിപ്പാര്ട്ട്മെന്റുകളിലും പ്രിന്സിപ്പാള്, HOD സ്കോളര്ഷിപ്പ് നോഡല് ഓഫീസര് ഉള്പ്പെട്ട സെലക്ഷന് കമ്മറ്റിയും ആതിഥേയ സ്ഥാപനത്തിലെ ഗൈഡും അംഗീകരിച്ചു മേലൊപ്പുവച്ച മൂല്യവത്തും, അക്കാദമിക് പ്രാധാന്യവുമേറിയ ഉന്നത നിലവാരം പുലര്ത്തുന്ന SYNOPSIS മാത്രമേ റിസര്ച്ച് അവാര്ഡിനായി പരിഗണിക്കുകയുളളൂ. ആയതിനാല് സെലക്ഷന് കമ്മറ്റിയുടെയും ഗൈഡിന്റെയും മേലൊപ്പുവച്ചതിനു ശേഷം മാത്രംSYNOPSIS അപ്ലോഡ് ചെയ്യുവാന് ശ്രദ്ധിക്കേണ്ടതാണ്. പ്രൊജക്ട് റിപ്പോര്ട്ടും മേല് പറഞ്ഞ പ്രകാരം അംഗീകരിച്ച് മേലൊപ്പ് വച്ച് സമര്പ്പിക്കേണ്ടതാണ്.
2.പ്രൊജക്ട്/ഇന്റേണ്ഷിപ്പ് സ്വന്തം സ്ഥാപനത്തില് ചെയ്യുന്നവര്ക്ക് സ്കോര്ഷിപ്പ് അനുവദിക്കുന്നതല്ല. ആതിഥേയ സ്ഥാപനങ്ങളായി ദേശീയ പ്രാധാന്യമുളള IIT, IIM,IISc, IISER, NIT, JNU, TISS തുടങ്ങിയവയോ, സംസ്ഥാനത്തിലെ NAAC 'A' ഗ്രേഡ് ലഭിച്ച കോളേജുകളോ തെരഞ്ഞെടുക്കേണ്ടതാണ്.
3.കേന്ദ്ര -സംസ്ഥാന സര്ക്കാരുകളുടെ ഏതെങ്കിലും സ്കോളര്ഷിപ്പ് ലഭിക്കുന്നവര് റിസര്ച്ച് അവാര്ഡിന് അര്ഹരല്ല.
4.മാതൃ, ആതിഥേയ സ്ഥാപനങ്ങളുടെ NOC , ആതിഥേയ സ്ഥാപനത്തിലെ സര്വ്വകലാശാല അംഗീകരിച്ച റിസര്ച്ച് ഗൈഡിന്റെ Consent Letter എന്നിവ അപ്ലോഡ് ചെയ്തിരിക്കണം.
5.Joining Report, Completion Certificate, Project Report എന്നിവ സ്കോളര്ഷിപ്പ് സൈറ്റിലെ നിര്ദ്ദിഷ്ട മാതൃകയില് സമര്പ്പിക്കേണ്ടതാണ്.
6.PG, M.Phil, Ph.D കോഴ്സുകള് പൂര്ത്തിയാക്കുന്ന കാലയളവില് ഒരു തവണ മാത്രമേ റിസര്ച്ച് അവാര്ഡിന് അര്ഹതയുളളൂ.
7.അപേക്ഷകരുടെ ബാഹുല്യത്തിനും അലോട്ട്മെന്റ് ലഭ്യതയ്ക്കും ആനുപാതികമായി സ്കോളര്ഷിപ്പ് നിജപ്പെടുത്തുന്നതിന് അക്കാദമിക മെരിറ്റിന്റെ അടിസ്ഥാനത്തില് മുന്ഗണന നിശ്ചയിക്കുന്നതാണ്.
Official Website: https://www.dcescholarship.kerala.gov.in/
Comments
Post a Comment